ᐊᓐ ᔮᔨᑖ ᒑ ᐃᐦᑐᑎᑭᓂᐎᒡ ᐊᔅᒌ ᐋᐦ ᓈᓈᑭᒋᔥᑖᑭᓂᐎᒡ ᒑ ᐄᔑ ᐱᒥᐱᔨᐦᑖᑭᓂᐎᒡ
ᒋᔥᑎᒫᐎᓐ ᑭᔮᐦ ᓯᒋᔮᔨᐦᑖᑯᓐ ᐋᐦ ᒌᐦ ᐅᔑᐦᑖᑭᓂᐎᒡ ᒑ ᒌᐦ ᒫᒨ ᐐᑎᐱᒥᑐᓈᓂᐎᒡ ᐋᐦ ᐊᔨᒧᑎᑭᓂᐎᒡ ᓂᓈᐦᑭᐤ ᒑᒀᓐ ᑭᔮᐦ ᒫᓯᓈᑖᒡ ᐊᓂᑎᐦ 22 ᐱᔅᑭᑎᓯᓂᐦᐄᑭᓂᐦᒡ ᒉᐃᒥᔅ ᐯᐃᐦ ᓂᔅᑯᒧᐎᓂᐦᒡ, ᐅᒌ ᑳ ᑭᒑᔅᒋᒫᒑᒡ ᓈᓂᑑᒋᔅᒑᔨᐦᑎᒧᒡ ᑭᔮᐦ ᓈᓈᑭᒋᔥᑖᐎᒡ ᐋᔑ ᐱᒥᐱᔨᐦᑖᑭᓂᐎᐎᔨᒡ ᐊᓂᔮ ᐐᔓᐙᐎᓂᔨᐤ ᐅᐦᒋ ᐋᐦ ᐐᐦ ᒥᓈᒋᔥᑖᑭᓂᐎᐎᔨᒡ ᐊᔅᒌ ᑭᔮᐦ ᓂᐲᔨᐤ ᑭᔮᐦ ᐱᒫᑎᓰᐎᓂᔨᐤ ᐅᑖᐦ ᐊᑎᒫᐲᓯᒻ, ᑭᒑᔅᒋᒫᒑᐎᒡ ᐙᔑᐦᑖᑭᓂᐎᐎᔨᒡᐦ ᐐᔓᐎᐧᐋᓐᐦ ᐅᑖᐦ ᐅᐦᒋ ᑎᐹᔨᐦᒋᒑᓰᓈᐦᒡ ᑭᔮᐦ ᐄᑎᔓᐙᐎᓐᐦ, ᑭᔮᐦ ᒑ ᒌᐦ ᐙᐦᒋᔨᐙᔨᒡ ᐋᐦ ᐋᔨᒧᑖᔨᒡ ᓂᓈᐦᑭᐤ ᐋᐱᑎᓰᐎᓂᔨᐤ ᐋᐦ ᐐᑎᐱᒫᑭᓂᐎᐎᔨᒡᐦ ᐊᓂᔮᐦ ᒑ ᑖᐦᑭᐦᐅᑯᔨᒡᐦ᙮ ᐋᑯᑎᐦ ᑖᑆᐦ ᒑ ᒌᐦ ᐅᐦᒋ ᒥᔥᑭᐎᔥᑖᒡᐦ ᐄᔨᔨᐤ ᑭᔅᒋᐦᐅᐎᓐᐦ ᑭᔮᐦ ᐋᐦ ᒥᓈᒋᔥᑖᑭᓂᐎᒡ ᐊᔅᒌ ᐊᓂᑎᐦ ᒑ ᐅᐦᒋ ᐐᒋᐦᐄᐙᐱᔨᒡ, ᐋᐦ ᑭᓂᐙᐱᐦᑎᑭᓂᐎᒡ ᑭᔮᐦ ᐋᐦ ᐄᐦᑐᑎᑭᓂᐎᒡ ᐋᔑ ᒥᓯᓈᑖᒡ 22 ᐱᔅᑭᑎᓯᓂᐦᐄᑭᓐ ᐊᓂᑎᐦ ᒉᐃᒥᔅ ᐯᐃᐦ ᓂᔅᑯᒧᐎᓂᐦᒡ᙮
ᐊᓂᒌ ᑳ ᑭᒑᔅᒋᒫᒑᒡ ᒑ ᐄᔑ ᓈᑭᑎᐙᔨᐦᑖᑯᓂᔨᒡ ᐊᔅᒌᔨᐤ ᐊᓂᑖᐦ ᒉᐃᒥᔅ ᐯᐃᐦ ᒋᑭ ᐐᑎᐱᒫᐎᒡ ᑯᐯᒃ ᑭᔮᐦ ᑳᐦᓈᑖᐦ ᑎᐹᔨᐦᒋᒑᓰᓈᐦᒡ ᐅᒋᒫᐤᐦ ᐊᓂᑎᐦ ᒑ ᒌᐦ ᐅᐦᒋ ᒋᔅᒑᔨᐦᑎᐦᒡ ᒑᒀᔨᐤ ᐙᐦ ᐃᐦᑐᑎᑭᓂᐎᐎᔨᒡ ᐅᑖᐦ ᐄᔨᔨᐅᔅᒌᐦᒡ; ᐋᔅᑭᐤ ᒑ ᒋᔅᒑᔨᐦᑎᔮᒡ ᑳᐦᓈᑖᐦ ᑭᔮᐦ ᑯᐯᒃ ᑎᐹᔨᐦᒋᒑᓯᐤ ᓅᒻ ᐋᐦ ᐐᐦᑎᒧᐙᒡ ᐊᓂᔮ ᐙᐦ ᐄᔑᓈᑯᐦᑖᑭᓂᐎᐎᔨᒡ ᐐᔓᐙᐎᓂᔨᐤ ᑭᔮᐦ/ᒫᒃ ᐄᑎᐅᔓᐙᐎᓂᔨᐤ; ᒑ ᐐᒋᑎᐱᐦᒑᒧᒡ ᓈᔥᑎᐐᓈᓂᐎᐎᔨᒡᐦ ᐋᐦ ᒋᔅᒑᔨᐦᑎᔨᐙᓂᐎᐎᔨᒡ ᓂᓈᐦᑭᐤ ᒑᒀᔨᐤ ᐅᐦᒋ ᐙᐦ ᐄᔑ ᓈᑭᑎᐙᔨᐦᑖᑯᓂᔨᒡ ᐄᔨᔨᐅᔅᒌᔨᐤ; ᑭᔮᐦ ᒑ ᐐᒋᐦᐄᐙᒡ ᐋᐦ ᐐᐦ ᓂᐦᐄᐙᐦᐄᑐᓈᓂᐎᐎᔨᒡ ᐋᐦ ᑖᐦᑭᐦᐅᑯᔨᒡᐦ ᓂᓈᐦᑭᐤ ᐊᐙᔨᐤᐦ; ᑭᔮᐦ ᑯᑎᒋᔨᐤ ᒑᒀᔨᐤ ᒦᔥᑎᐤ ᐃᐦᑐᑎᒧᒡ᙮
ᐊᓂᔮ ᐋᔑ ᐐᐦᑎᒫᒑᒡ ᐊᓂᒌ ᑳ ᑭᒑᔅᒋᒫᒑᒡ ᒑ ᐄᔑ ᓈᑭᑎᐙᔨᐦᑖᑯᓂᔨᒡ ᐊᔅᒌᔨᐤ ᐊᓂᑖᐦ ᒉᐃᒥᔅ ᐯᐃᐦ ᐋᐦ ᑭᓂᐙᐱᐦᑎᐦᒡ ᐋᑎᓯᓈᑖᔨᒡ ᐊᓂᔮ ᐱᔅᑭᑎᓯᓂᐦᐄᑭᓂᔨᐤ 22 ᐊᓂᑖᐦ ᒉᐃᒥᔅ ᐯᐃᐦ ᓂᔅᑯᒧᐎᓂᐦᒡ ᑭᔮᐦ ᐊᓂᔮ ᔮᔨᑖ ᒑ ᐄᔑ ᑭᓂᐙᐱᐦᑎᒧᐙᑯᐱᓈ ᐅᒌ ᒥᔮᒨᐱᔥᑎᐦᒡ᙮ ᓃᔓ ᒥᔥᑎᐤ ᒌᐦ ᐙᐱᐦᑎᑭᓂᐤᐦ ᐋᔑ ᒥᓯᓈᑖᒡ ᐊᓐ ᒑ ᐄᔅᐱᔨᐦᑖᑭᓂᐎᒡ ᑳ ᐎᔮᔨᐦᑖᑯᐦᒡ 2023-2028, ᑳ ᐅᑎᓂᑭᓂᐎᒡ 2023 ᑳ ᐄᑎᓯᓈᑖᒡ ᐋᐦ ᐱᐳᐦᒡ᙮
ᐊᓂᑎᐦ ᐊᑎᑎᐤ ᒑ ᐐᐦ ᓂᐦᐄᐱᔨᐦᑖᑭᓂᐎᒡ 1 – ᐊᔅᒌ ᑭᔮᐦ ᐱᒫᑎᓰᐎᓐ ᒑ ᐄᔑ ᓈᑭᑎᐙᔨᐦᑖᑯᐦᒡ ᐋᔑ ᒥᓯᓈᑖᒡ ᐊᓂᑎᐦ 22 ᐱᔅᑭᑎᓯᓂᐦᐄᑭᓂᐦᒡ ᒉᐃᒥᔅ ᐯᐃᐦ ᓂᔅᑯᒧᐎᓂᐦᒡ
- ᐊᓐ ᐙᐦ ᐃᐦᑐᑎᑭᓂᐎᒡ 1᙮1: ᒑ ᓈᓂᑑᒋᔅᒑᔨᐦᑖᑯᐦᒡ ᐋᔑᓈᑯᐦᒡ ᐐᔓᐙᐎᓂᐦᒡ ᒑ ᐄᔑᓈᑯᐦᒡ ᐅᐦᒋ ᐊᔅᒌ ᐋᐦ ᐐᐦ ᒥᓈᒋᔥᑖᑭᓂᐎᒡ ᑭᔮᐦ ᐱᒫᑎᓰᐎᓐ
- ᐊᓐ ᔮᔨᑖ ᐙᐦ ᐃᐦᑐᑎᑭᓂᐎᒡ 1᙮2: ᒑ ᓂᑑᒋᔅᒑᔨᐦᑖᑯᐦᒡ ᔮᔨᑖ ᐋᑳ ᒑᒀᓐ ᒑ ᑳᑖᑭᓂᐎᒡ ᐅᐦᒋ ᐋᐦ ᐐᐦ ᒥᓈᒋᔥᑖᑭᓂᐎᒡ ᐊᔅᒌ ᑭᔮᐦ ᒑ ᐄᔑ ᑖᐦᑭᐦᐄᒑᐱᔨᒡ ᐱᒫᑎᓰᐎᓂᐦᒡ ᑭᔮᐦ ᐊᓂᑖᐦ ᒦᓐ ᒑ ᐄᔑ ᑭᓂᐙᐱᐦᑎᑭᓂᐎᒡ
- ᔮᔨᑖ ᐙᐦ ᐃᐦᑐᑎᑭᓂᐎᒡ 1᙮3: ᒑ ᑭᓂᐙᐱᐦᑎᑭᓂᐎᒡ ᑭᔮᐦ ᒑ ᓈᓈᑭᒋᔥᑖᑭᓂᐎᒡ ᐊᓐ ᑳ ᓂᐦᐋᔨᐦᑎᒥᐦᐄᐙᒡ ᒑ ᒌᐦ ᐋᐱᑎᓰᓈᓂᐎᒡ
- ᐊᓐ ᔮᔨᑖ ᐙᐦ ᐃᐦᑐᑎᑭᓂᐎᒡ 1᙮4: ᒑ ᐱᒋᔅᑎᓂᑭᓂᐎᒡ ᐊᓐ ᐋᔑ ᐱᑯᓵᔨᒧᓈᓂᐎᒡ ᒑ ᒫᒥᑐᓇᔨᐦᑎᒥᐦᐄᐙᒡ ᐅᐦᒋ ᒑ ᐄᔑ ᑖᐦᑭᐦᐄᒑᐱᔨᒡ ᐊᓐ ᔖᔥ ᑳ ᐄᔑ ᐋᐱᑎᓰᓈᓂᐎᒡ ᐅᐦᒋ ᐋᐦ ᐐᐦ ᑭᓂᐙᔨᐦᑖᑯᐦᒡ ᐊᔅᒌ ᑭᔮᐦ ᐱᒫᑎᓰᐎᓐ ᑭᔮᐦ ᐊᓂᑖᐦ ᒑ ᐄᔑ ᓈᓂᑑᒋᔅᒑᔨᐦᑖᑯᐦᒡ ᒦᓐ ᑭᓂᐙᐱᐦᑎᑭᓂᐎᒑ
ᐊᓂᑎᐦ ᐊᑎᑎᐤ ᒑ ᐐᐦ ᓂᐦᐄᐱᔨᐦᑖᑭᓂᐎᒡ 2 - ᐋᐦ ᐐᒑᐱᑎᓰᒥᑐᓈᓂᐎᒡ ᑭᔮᐦ ᐋᐦ ᐊᔨᒥᐦᐄᑐᓈᓂᐎᒡ
- ᐊᓐ ᔮᔨᑖ ᐙᐦ ᐃᐦᑐᑎᑭᓂᐎᒡ 2᙮1: ᐊᑎᑎᐤ ᒑ ᒥᔪᐦᑖᑭᓂᐎᐎᔨᒡ ᐊᓂᑖᐦ ᒑ ᒌᐦ ᐅᐦᒋ ᐊᔨᒥᐦᐋᑭᓂᐅᐎᒡ ᐊᓂᒌ ᑳᑭᒑᔅᒋᒧᐙᒡ ᐅᐦᒋ ᐊᔅᒌᔨᐤ ᐋᐦ ᐐᐦ ᒥᓈᒋᔥᑖᑭᓂᐎᐎᔨᒡ ᐅᑖᐦ ᒉᐃᒥᔅ ᐯᐃᐦ ᑭᔮᐦ ᐅᑖᐦ ᐊᑎᒫᐲᓯᒻ
- ᐊᓐ ᔮᔨᑖ ᐙᐦ ᐃᐦᑐᑎᑭᓂᐎᒡ 2᙮2: ᐊᑎᑎᐤ ᒑ ᐐᐦ ᒌᐦᑳᓈᑯᐦᐋᑭᓂᐅᐎᒡ ᑭᔮᐦ ᐊᔨᒥᐦᐋᑭᓂᐅᐎᒡ ᒉᐃᒥᔅ ᐯᐃᐦ ᐊᔅᒌᔨᐤ ᐋᐦ ᐐᐦ ᒥᓈᒋᔥᑖᑭᓂᐎᐎᔨᒡ
