ᐊᓂᔮ ᐋᐦ ᐄᐦᑐᑎᐦᒡ ᐅᑖᐱᑎᓰᐎᓂᐙᐤ ᐅᒌ ᑳ ᑭᒑᔅᒋᒫᒑᒡ

ᐊᓂᔮ ᐋᐦ ᐄᐦᑐᑎᐦᒡ ᐅᑖᐱᑎᓰᐎᓂᐙᐤ ᐅᒌ ᑳ ᑭᒑᔅᒋᒫᒑᒡ ᐊᓂᔮ ᒑ ᐄᔑ ᐎᔮᔨᐦᑖᑯᓂᔨᒡ ᒥᓯᐙ ᐱᑎᒫ ᑭᑎ ᓂᐦᐋᔨᐦᑎᒥᐦᐄᑯᐎᒡ᙮ ᐊᓂᔮᐦ ᒑ ᐋᔥᑎᐱᔨᒡᐦ, ᒥᓯᓂᐦᐄᑭᓐᐦ ᑭᔮᐦ ᑯᑎᒋᔨᐤ ᓂᓈᐦᑭᐤ ᒑᒀᔨᐤ ᐅᑖᐦ ᐋᐦ ᐅᐦᒋᐱᔨᔨᒡ ᒥᓯᐙ ᒋᑭ ᓂᐦᐋᔨᐦᑎᒥᐦᐄᑯᐎᒡ ᐅᒌ ᓂᔥᑐᔨᒡ ᒥᔮᒨᐱᒡ᙮

ᐅᒌ ᑳ ᑭᒑᔅᒋᒫᒑᒡ ᒫᒨ ᐐᐦ ᓂᔥᑎᐐᐅᐎᒡ ᓈᐙᐤ ᐹᔨᑯᐱᐳᓐᐦ, ᔮᔨᑖ ᐹᔨᒀᐤ ᐅᑖᐦ ᐄᑖᐦᒑ ᐄᔨᔨᐅᔅᒌᐦᒡ᙮ ᒫᒨ ᑭᔮᐦ ᐊᑎᑎᐤ ᒥᐦᒐᑣᐤ ᒋᑭ ᒌᐦ ᓂᔥᑎᐐᔥᑎᒧᒡ ᐋᐦ ᒋᔅᑎᒫᐎᓂᔨᒡ ᒑᒀᔨᐤ ᒑ ᒌᐦ ᐋᔨᒧᑎᐦᒡ᙮ ᐋᔑᒄ ᒥᓯᓂᐦᐄᑭᓂᐤ ᐊᓐ ᑳ ᐄᔑ ᐋᔨᒧᑖᒡ ᒑᒀᓐ ᐋᔑᑯᒻ ᓈᔥᑎᐐᔥᑖᑭᓂᐎᒡᐦ᙮

• 235th meeting: Week of March 17, 2025, Montréal

ᒫᒀᒡ ᒫᒃ ᐋᑳ ᓂᔥᑎᐐᒡ, ᐅᒌ ᑳ ᑭᒑᔅᒋᒫᒑᒡ ᐃᐦᑎᑯᓂᔨᐤ ᐊᓂᔮ ᔮᔨᑖ ᒑ ᐱᒦᐦᑭᐦᒡ ᒑᒀᔨᐤ ᐋᐦ ᐐᑎᐱᒫᒡ ᐊᓂᔮᐦ ᐅᐦᐱᒫ ᑎᔮᐦᑭᐦᐅᑯᔨᒡᐦ ᒥᔮᒨᐱᔨᒡᐦ᙮ ᐊᓂᒌ ᐅᐦᐱᒫ ᐙᐦᒋ ᓈᓈᑭᒋᔥᑖᒡ ᐹᐦᐹᔨᒄ ᐊᓂᔮ ᐋᐦ ᒫᒨᐱᒡ ᐊᐙᓂᒌ ᐅᐦᒋ ᐎᔮᔨᐦᑖᑯᓯᐅᒡ ᑭᔮᐦ ᐐᒋᐦᐄᑯᐎᒡ ᐊᓂᔮᐦ ᐅᑖᐦ ᑎᐹᔨᐦᒋᒑᓰᓈᐦᒡ ᒥᓯᓂᐦᐄᒑᐅᑭᒥᑯᐦᒡ ᐃᔮᐱᑎᓯᔨᒡᐦ᙮ ᒥᒋᓐ ᑭᓂᐙᐱᐦᑎᒧᒡ ᐋᔅᐱᔨᔨᒡ ᒑᒀᔨᐤ, ᓅᒻ ᐐᐦᑎᒫᒑᐎᓂᔨᐤ, ᒥᓯᓂᐦᐄᑭᓐᐦ ᐙᑎᐦᑎᐦᐅᑯᒡ ᑭᔮᐦ ᑯᑎᒋᔨᐤ ᒑᒀᔨᐤ ᐋᐦ ᓂᒋᔥᑭᐦᒡ, ᑭᔮᐦ ᐊᓂᔮ ᓈᑎᐙᔨᐦᑖᑯᓂᔨᒡ ᒑ ᐃᐦᑐᑎᑭᓂᐎᐎᔨᑯᐱᓈ ᒑ ᐐᐦᑎᐦᒡ ᐊᓂᒌ ᑳ ᑭᒑᔅᒋᒫᒑᒡ ᐋᐦ ᒫᒨᐱᒡ᙮ ᐊᓂᑖᐦ ᑭᔮᐦ ᐎᔨᐐᑎᒫ ᒋᑭ ᒌᐦ ᐅᐦᑎᓈᐎᒡ ᐊᓂᒌ ᐅᐦᐱᒫ ᐙᐦᒋ ᐐᒋᐦᐄᐙᒡ ᓂᑎᐙᔨᐦᑖᑯᓂᔨᒑ ᑯᑎᒃᐦ ᐊᐙᔨᐤᐦ ᒑ ᒌᐦ ᓈᓂᑖᔑᒧᔥᑎᐙᒡ ᐋᐦ ᒥᔪᒋᔅᒑᔨᐦᑎᒥᔨᒡᐦ ᐊᓂᔮ ᐙᐦ ᒋᔅᒑᔨᐦᑎᐦᒡ᙮